نظریہ
Article by Eng. Sajid Mahmood Naqshbandi
دنیا کا یہ دستور ہے کہ ہر ایک انسان کا اپنا نظریہ ہوتا ہے اور جو مخالفت ہوتی ہے وہ نظریہ پر ہی ہوتی ہے، اگر آپ کا اپنے کسی دوست سے نظریہ پر اختلاف ہے تو اس کو نظریہ تک ہی محدود رکھیں مزید اس کو ذاتی دشمنی میں تبدیل نہ کریں
آپ جب اپنا نظریہ قائم رکھیں گے تو آپ کو نازیبا القابات سے یاد کیا جائے گا لیکن آپ نے اپنے نظریے پر ڈٹ کر قائم رہنا ہے
اگر آپ اپنے اکابر و اسلاف کی تاریخ کا مطالعہ کریں گیں ان کے کردار ان کے پروگرام کو پڑھیں گیں تو ضرور دیکھیں گے کہ ان کے خلاف بھی مختلف قسم سے پروپیگنڈا کیے گئے ان کو منافقت و نازیبا القابات سے یاد کیا گیا جیلوں میں ڈالا گیا
اور یہ سب کچھ کیوں کیا گیا؟
اس لیے تاکہ وہ اپنے نظریہ سے ہٹ جائیں “اپنے پروگرام سے دور ہوجائیں اپنے کاز و مشن کو دفن کردیں”
کیوں کہ تمام لادین قوتوں کو، اسلام دشمن گروہ کو ان کے پروگرام سے خطرہ تھا ان کو میرے اکابرین کے نظریہ سے مخالفت تھی!
لیکن تمام تر صعوبتوں کے باوجود” الزامات کے باوجود “منفی القابات کے باوجود میرے اکابر و اسلاف نے اپنے نظریہ کو قائم رکھا اس پر ڈٹے رہے اپنے “مشن و کاز” کو برقرار رکھا
نتیجتاً آج ان کو مؤرخ فخریہ طور پر لکھتے ہیں “آج وہ تاریخ کی زینت بنے ہوئے ہیں” ان کو فخر سے یاد کیا جاتا ہے۔
اسی طرح اپنے اکابر و اسلاف کے نقش قدم پر چلتے ہوئے اپنی جماعت کے ساتھ اپنے نظریہ کو قائم رکھیں، اپنے اکابرین کے دئیے گئے مشن کے تسلسل کو برقرار رکھنے میں ہمہ وقت کوشاں رہیں۔
امن اور محبت، علم و تعلیم، اخلاق و معاشرت، معیشت و خوشحال” کا پیغام لیے دنیا تک پہنچائیں۔
دور بدلتا جا رہا ہے “انقلاب آنے کو ہے” آپ کو اپنے پروگرام و نظریہ سے ہٹانے کی کوششیں کی جائیں گی آپ کو تکالیف و مختلف آزمائشات کا سامنا کرنا پڑے گا لیکن آپ نے ہمت و شجاعت، صبر و دانشمندی، تعلیم و تعلم اور مطالعے سے اپنے مشن و جماعتی پروگرام اور اس کے کاز کو اپنے نظریہ کے ساتھ قائم رکھیں اور مزید آگے چلتے جائیں اور اپنے پروگرام کو مزید عام کریں۔
امیرالمجاہدین رحمتہ اللہ علیہ فرمایا کرتے تھے کہ اللہ کے انعامات، پریشانیوں کے کندھے پے سوار ہو کر آتے ہیں
ایک بزرگ فرماتے تھے کہ سچ کے راستے پے چلنے والے دشمن زیادہ ہوتے ہیں ان پے پابندیاں زیادہ ہوتی۔ یہ ہو ہی نہیں سکتا کہ کوئی حق پے چلے اور مشکلات کا سامنا نا کرے۔
یہی وجہ ہے کہ ہماری تاریخ قربانیوں سے بھری پڑی ہے، کبھی اپنوں کی جدائی، کبھی اپنوں نے ستایا، کبھی راستوں میں کانٹے ، کبھی ہجرت پے مجبور، کبھی بھوک کبھی پابندیاں کبھی جنگ۔
اللہ پاک نے بھی قرآن کریم میں فرمایا کہ اللہ اپنے بندوں کو مختلف طریقوں سے ازماتا ہے اور جو صبر کرے اس کے لئے خوشخبری ہے۔
تم اپنے نظریے پاس رکھو ہم اپنا نظریہ رکھتے ہیں
وما توفیقی الا باللہ
تحریر: انجینئر ساجد محمود نقشبندی سیفی
