TLP Press Release – Petrol price increase in Pakistan
تحریک لبیک پاکستان
پریس ریلیز ؛
3 جون 2022ء
پیٹرول اور بجلی کی قیمتوں میں ہوشربا اضافہ عوام کی مشکلات و پریشانی میں مزید اضافے کا باعث بنے گا، امیر ٹی ایل پی حافظ سعد حسین رضوی
آئندہ الیکشن میں عوام کی اُمیدوں کا محور تحریک لبیک پاکستان ہے، حافظ سعد حسین رضوی
ن-لیگ، پی ٹی آئی، پیپلزپارٹی تینوں جماعتیں آئی ایم ایف کی غلامی میں ایک پیج پر ہیں، حافظ سعد حسین رضوی
خوردنی اشیاء کی قلت اور مہنگائی دن بدن شدت اختیار کرتی جا رہی ہے، حافظ سعد حسین رضوی
موجودہ اور سابقہ حکمرانوں نے غریبوں کا خون تک نچوڑ لیا ہے، حافظ سعد حسین رضوی
ایک دوسرے پر سبقت کی دوڑ میں ہر شخص اپنے مفاد کی خاطراپنی ضروریات کی تکمیل کے حصول کے لئے انسانی قدروں کو پامال کر رہا ہے، حافظ سعد حسین رضوی
اسلامی طرز عمل سے پاکستان کو حقیقی معنوں میں اسلامی،فلاحی ریاست بنائیں گے، حافظ سعد حسین رضوی
پاکستان کی عوام کی خوشخالی،فلاح و بہبود اور ترقی کے لیے دن رات ایک کریں گے، حافظ سعد حسین رضوی
مزدور طبقہ اور عام آدمی کی بنیادی ضرورتوں کو اولین ترجیح رکھیں گے اور ملک کو ترقی کی راہ پر گامزن کر کے دم لیں گے، حافظ سعد حسین رضوی
مورخہ 03-06-2022 حوالہ نمبر ؛
لاہور/ اسلام آباد /راولپنڈی () امیر تحریک لبیک پاکستان حافظ سعد حسین رضوی نے پٹرولیم مصنوعات اور بجلی کی قیمتوں میں اضافے کو مسترد کرتے ہوئے کہا کہ پیٹرول اور بجلی کی قیمتوں میں ہوشربا اضافہ عوام کی مشکلات و پریشانی میں مزید اضافے کا باعث بنے گا۔ایک ہفتے میں پٹرول کی قیمت میں 60 روپے اضافے سے عوام کو مہنگائی کے نئے طوفان کا سامنا کرنے پڑے گا۔مملکتِ خداداد کی عوام جس صورتحال سے دوچار ہے وہ انتہائی تشویشناک ہے۔ مہنگائی کے منہ زور طوفان نے کئی مشکلات کھڑی کر دی ہیں۔ خوردنی اشیاء کی قلت اور مہنگائی دن بدن شدت اختیار کرتی جا رہی ہے جس نے غریبوں کا خون تک نچوڑ لیا ہے۔ پا کستا نی معیشت کا اتار چڑھاو عدم استحکام کا شکار ہے۔ پٹرول، ڈیزل اور بجلی کے نرخوں میں اضافہ صرف مہنگائی بڑھنے کا ہی نہیں بلکہ گداگری اور غربت میں اضافے کا بھی دوسرا نام ہے۔ لوگ مہنگائی کے سبب پیٹ کاٹ کاٹ کر جینے پر مجبور ہیں۔انہوں نے کہا کہ ایک دوسرے پر سبقت کی دوڑ میں ہر شخص اپنے مفاد کی خاطراپنی ضروریات کی تکمیل کے حصول کے لئے انسانی قدروں کو پامال کر رہا ہے، کوئی بھی ایک دوسرے کی مدد کے لئے تیار نہیں ہے،(ن) لیگ، پی ٹی آئی، پیپلزپارٹی تینوں جماعتیں آئی ایم ایف کی غلامی میں ایک پیج پر ہیں، آئی ایم ایف نے ہمیشہ پٹرول، بجلی، کھاد مہنگی کرنے کا مطالبہ کیا، کبھی ان حکمرانوں کی عیاشیاں ختم کرنے کا مطالبہ نہیں کیا،آٹا، چاول، دال، گھی، تیل، گوشت، سبزی سمیت روز مرہ استعمال کی کوئی شے بھی اب عوام کی دسترس میں نہ رہی ہے۔ لوگ غربت سے تنگ آ کر خودکشیاں کرنے پر مجبور ہیں۔ کچھ لوگوں کا مقصد وسائل پر قبضہ کرنا اور عام مزدور طبقے کو متوسط رکھنا ہے، خصوصی طو ر پر صحت و علاج، پانی، انصاف کی فراہمی، مہنگائی، ملازمت، قرضوں کی فراہمی اور تعلیم جیسی بنیادی سہولیات پر بھی عدم دلچسپی کا مظاہرہ کیا جاتا ہے۔ہمارا اقتصادی نظام تباہ ہوکر رہ گیا ہے۔مہنگائی اور بے روزگاری نے عوام کی رات کی نیند اور دن کا چین غارت کر دیا ہے۔ کوئی دن جاتا ہو گا جب حکومت کی طرف سے کسی نہ کسی ضروری چیزکی قیمت میں اضافے کا اعلان نہ ہوتا ہو جو عوام کی تکلیف میں مزید اضافہ کا سبب نہ بنتا ہو۔ حافظ سعد حسین رضوی کا مزید کہنا تھا کہ آئندہ الیکشن میں عوام کی اُمیدوں کا محور تحریک لبیک پاکستان ہے، عوام نے اگر اعتماد کا اظہار کیا تو ملک میں اسلامی طرز عمل سے پاکستان کو حقیقی معنوں میں اسلامی،فلاحی ریاست بنائیں گے۔پاکستان کی عوام کی خوشخالی،فلاح و بہبود اور ترقی کے لیے دن رات ایک کریں گے، مزدور طبقہ اور عام آدمی کی بنیادی ضرورتوں کو اولین ترجیح رکھیں گے اور ملک کو ترقی کی راہ پر گامزن کر کے دم لیں گے۔
جاری کردہ ؛
شعبہ نشر و اشاعت
تحریک لبیک پاکستان
